مين اللى يقدر يعشقك قدى أنا
كتبت بواسطة ashrafibrahim على ديسمبر 6, 2006
لما النسيم بيعدى بين شعرك حبيبتى بسمعه .. بيقول آهات
وعطورك الهادية اللى دايبة فيكى كل ما تلمسك بتقول آهات
عايزانى ليه لما تقولى بعشقك .. مصرخش وأملا الكون آهات
يا نجمة كل ما ضيها يلمس حجر .. يعلى ويتحول قمر
بأكتب حروف اسمك بحبات الندى .. على كل أوراق الشجر
مين اللى يقدر يعشقك قدى أنا
مين اللى يقدر يوصفك زيى أنا
يا حلم نفسى تحلمه كل القلوب
يا أعلى إحساس شدنى .. خلانى أدوب
خلانى أحس إنى بشر
عايزانى ليه لما تقولى بعشقك .. مصرخش وأملا الكون آهات
كنت أدرك منذ زمن بعيد .. انه يوماً ما ستأتى الحبيبة .. تحمل عصاها السحرية لتحولنى بشر .. لكن لم أكن أدرك .. كم هو جميل هذا الإحساس
شكرأ حبيبتى .. جعلتى منى إنساناً .. اشعلتى قلباً كان قد أطمئن للسكون (الموت) .. لكن راودنى الأمل طويلاً أن هناك فى مكان ما من العالم من يستطيع أن يحب ويعشق مثلما أفعل .. لم أكن متفائلاً .. بل أعتقدت أننى حتى لو وجدته .. لن استطيع فالطاقة قد نفذت
لكن ميلاد حبيبتى فى حياتى فجر كل الطاقات والمشاعر والأحاسيس المتدفقة التى كنت قد اعتقدت أنها غير ممكنة فى هذا العالم
MaLek قال
طيب
حتودونوا في داهية والله
كبير المتشردين قال
مالك اطمن انت رايح في داهية لوحدك مفيش حد هيوديك الراجل بيحب انت زعلان ليه
شهروزة قال
يا ابنى الله يسامحك اعمل اتنين انتر وانت بتكتب البوست
انا اتحولت لحد ما خلصت قراية
خليتنى كنت حأعيط
يا بختها
اللهم لا حسد يعنى
Nora قال
مبسوطة قوي
خليكم مبسوطين
شريف الصيفي قال
تشابة الاسماء حال دون لقاءنا
والشكر لشهروزة التي اوضحت لي هذا اللبس
سنلتقي
مساء طيب
حمدى قناوى قال
باين عليك بتحب جديد والقلب سعيد فياسعدة اللى عرق مرة الحب طريق قلبه تعالى عندى واقرا فرولايه الحب بس ما تتصدمشى .
حمدى قناوى قال
انت حضرتك نتحب …اجوك اقرا قراولايه الحب فى مكونتى
م/ الحسيني لزومي قال
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا